សេចក្តីរាយការណ៍ពី កាសែត Southern Metropolis ឲ្យដឹងថា ការវះកាត់ផ្លាស់ប្តូរកែវភ្នែក (ស្រោមគ្រាប់ភ្នែក) ឲ្យក្មេងប្រុសម្នាក់ បានប្រព្រឹត្តទៅយ៉ាងជោគជ័យ ដោយក្រុមគ្រូពេទ្យជំនាញ មកពីសាកលវិទ្យាល័យ ស៊ុនយ៉ាត់សេន នៃទីក្រុងគ័ងចូវ កាលពីចុងខែកុម្ភៈកន្លងទៅនេះ និងជាការវះកាត់លើកដំបូងនៅតំបន់ភាគខាងត្បូងប្រទេសចិនផងដែរ។
ក្មេងប្រុសដែលទទួលបានការវះកាត់ជោគជ័យខាងលើ មកពីខេត្តជាំងស៊ី ស្ទើរតែខ្វាក់ភ្នែកទៅហើយ ក្រោយពីរងរបួសភ្នែក ដោយសារតែកាំជ្រួច (firework) ឬរំសេវកាំជ្រួចដែលបានផ្ទុះ។ ក្រោយការវះកាត់ បានរយៈពេល ១សប្តាហ៍ ភ្នែករបស់ក្មេងប្រុសនេះ ចាប់ផ្តើមមើលឃើញម្តងទៀត ក្នុងកម្រិត 20/200 ។ នេះបើតាមសេចក្តីរាយការណ៍របស់ប្រភពក្នុងស្រុក។ យ៉ាងណាមិញ ក្រុមគ្រូពេទ្យមានសង្ឃឹមជឿជាក់ថា មិនយូរនោះទេ ក្មេងប្រុសរូបនេះ នឹងអាចមើលឃើញកាន់តែច្បាស់ឡើងវិញ រហូតដល់កម្រិត 20/30 ផងដែរ។
នេះជាករណីមួយ គួរតែប្រុងប្រយ័ត្ន ជាពិសេសក្មេងតូចៗ ដែលចូលចិត្តលេងផាវ ឬ កាំជ្រួចផងដែរ៕
ប្រភព: khmerload
អត្ថបទទាំងស្រុង : ក្មេងប្រុសម្នាក់ ស្ទើរតែខ្វាក់ភ្នែក ដោយសារ «កាំជ្រួច» ត្រូវវះកាត់ប្តូរកែវភ្នែក ជាមួយសត្វជ្រូក ទទួលបានជោគជ័យ!
0 comments :
Post a Comment